myluckyheartstories

Date posted: June 8, 2020

JSL METRO MANILA MEET-UP: HAPPY 3M QUEEN J!

(MAY 25, 2019)

          Taon na ang binilang simula nung huling JSL Meet-up na napuntahan ko kaya naman nang nalaman na magkakaroon ulit at medyo malapit pa sa amin ay hindi na ako nagdalawang isip pa na umatted. And it wasn’t just a simple meet-up because it was prepared to celebrate something special for our Queen. Nadagdagan na naman ng milyon ang JSL family/readers niya!

          Naaalala ko pa noon nang natapos kong basahin ang End This War at mga dalawa pa niyang libro, alam kong isa siya sa mga magagaling na writers sa wattpad noon. Nang nagawi ako sa mismong wattpad page niya ay nakita kong around 80k pa lamang ang mga followers niya. I knew of some writers na hundred thousands na ang followers however para sa akin ay deserved ni Queen na may ganoong bilang ng mambabasa based on how good, heartfelt, and impactful her words were in her stories. Not to mention ang mga plots ng story niya na unique at ang magandang fictional world na ginawa niya. Who wouldn’t want to live in Alegria right? I knew she was underrated then at iyong mga readers niya na sa simula pa lang ay kilala na ang mga stories niya ay napaka swerte.

          I’ve been a silent reader since I discovered her and her stories. I saw how she bloomed as a writer and how her world grew using the words that came from her heart and experiences. At ngayon sa achievement na ito ay nakakatuwang isipin na narito pa rin kami, ilang taon man ang lumipas, ngunit hindi gulat sa mga nangyayari at masaya lamang na ipagdiwang ang ganitong pangyayari kasama siya. She deserved it; not referring to the fame or the recognition she has right now (altho I believe that she deserved that too) but the love that keeps on growing and growing around her world and how her words reached millions of hearts.

          I asked my JSL (old) friends kung sino-sino sa kanila ang mga aattend. I contacted two of them and had them confirmed na attend sila. Paunahan sa facebook ang pagpapalista para sa ticket at dahil hindi aattend iyong JSL friend kong madalas na isabay ako sa mga ganito ay mag-isa akong nag abang sa fb, lol. Windang pa ako no’n dahil nang nag announce si Ate Cha na pwede na mag comment doon sa post niya ay nagdagsaan kaagad doon ang mga JSLs. Nang nakapag comment ako ay parang nawalan pa ako ng pag asa dahil bumagal pa ang data ko noon at medyo nagtagal ang loading ng comment ko, haha.

          But then nag reply si Ate Cha sa comment ko at binigyan ako ng number para sa ticket (I was happy!). Around QC area ulit ang meet-up kaya naman ayos lang sa akin at hindi na ako nag alala dahil maraming beses na akong nakapunta doon para umattend ng JSL events noon. May ibinigay din na guide sila Ate Cha para makapunta sa venue.

          Sa araw na iyon ay maayos naman akong nakarating sa QC Circle pero nalimutan akong ibaba ni kuyang driver sa supposed to be na tamang bababaan ko (kahit ilang beses ko nang sinabi sa kanya ang destinasyon ko, huhu). Mahabang highway lagpas sa QC Circle ang tinahak ng UV na sinakyan ko at nang nakababa na ay ang haba pa ng nilakad ko pabalik. Nang nakarating sa pila ng mga jeep at sinabi ang address ng pupuntahan ko ay sabi naman nila ay di nila alam kung saan iyon (kakaiyak). Kaya in the end, matapos ang ilang pagtatanong sa mga taong nakasalubong ko ay umasa na lamang ako sa google map. After around 30-45 minutes of walking ay nakarating naman ako ng matiwasay sa venue, lol.

          Isa ako sa mga around 5 JSLs na naroon. Ka-chat ko naman yung kaibigan ko para magbigay ng mga updates at alamin kung nasaan na siya. Nang nakapagpalista ay umupo na ako sa designated seat ko at ayun ay nakipag-usap sa katabi. Dahil normal sa JSLs ang pagiging friendly (based on experience) ay naging magaan agad ang loob ko sa dalawang bagong nakilala (at kapangalan ko pa ‘yung isa! Hi!). Hindi rin naman nagtagal ay dumami na ang mga JSLs at nakita ko na rin sa wakas ang dalawa kong kaibigan (met them last 2016 JSL Christmas Party in QC). Ilang taon na simula nung huling kita namin kaya tuwang-tuwa ako nang nakapag usap kami doon at parang mga baliw na nag ingay at tawanan, haha.

          Memorable moment sa meet-up na ito ay ang pabinggo nila Ate Jobel. Wala akong masabi, yung energy level namin lagpas lagpas, sobrang ingay talaga namin na halos dumagundong ang building, lol. Nang medyo malapit nang matapos ang binggo ay nanalo pa ako ng book! (Hi Rad!) Di ko inakala! And guess what, pati yung kaibigan kong kapangalan ko ay nanalo din the same moment as me! Sabay kaming tumayo at pumunta sa harapan. Parehas kaming gulat habang nakatingin sa isa’t isa. Ang akala ko pa noon ay pipili lang ng isa sa amin kung sino ang makakareceive ng book pero laking tuwa ko nang parehas na kaming binigyan ni Mel ng IOF.

          Nakausap din namin si Queen sa phone (*o*) at may pa-lechon pa! Sobrang saya naming lahat that day. Noong una ay hindi pa kami magkakakilala pero ilang minuto lang at ayun, maingay na sa table namin. Maikling oras lang ang meet-up na ito pero sapat na iyon para maging masaya ang lahat at umuwi na may ngiti sa labi. Ang mahalaga ay naicelebrate ang araw na iyon kasama ang mga JSLs at si Queen J. Nagkaroon ng picture taking bago magsiuwian at masayang nagpaalam sa isa’t isa, looking forward to seeing each other soon.